Argazkiak

Egutegia (lehen urtea)

Hauxe gure lehen hezkuntzako lehen urtea da, oroitzapen oso onak dauzat. Haur hezkuntzatik lehen hezkuntzara pasatzea pauso handia da, klaseko lagun taldea bera da baina klaseak serioagoak dira, eskola-lana prozeduran pixkanaka sartzen gara. Lehen urte horretan matematikak, ingurumen zientziak, ingelesa... etab. materia berriak ikusten ditugu eta "eskola nazkagarria da" hasten da pentsatzen, behintzat nire kasuan. Irakasle izatera heltzen banaiz noizbait gustatuko litzaidake nire ikasleen garapena aspergarria ez izatea,

Olentzero

Gabonetako oporrak baino lehen klaseko azken egunean olentzeroz edo baserritarrez mozorrotzen ginen urte oro. Jai egun polita zen eta dibertigarria (batzuk argazkian adierazi ez arren), herritik abesten joaten ginen eta txokolatada goxo-goxoa gure zain zegoen bueltatzerakoan. Oporrak baino lehenago jai txiki honek eskola etenaldia alaitasunez hartzeko balio zuen, oso zaila ez zen ardura, baina polita zen oporretan ikusiko ez genituen lagunekin jai-egun bat igarotzea. Etorkizuneko irakasle bezala ekintza hauetan sakonki barneratzea gustatuko litzaidake, ikasleak irakasle bat ekintza batean oso sartuta ikusten badute bere gogoak pizten dira.

Inauteriak

Inauteriak nire eskola bizipen alaigarrienak dira, gogoratzen dut plastika klaseetan talde osoarentzat mozorro berak egiten genituela. Inauteri egunean festa dezentea ospatzen zen ikastetxean, jokoak, txokolatada... etab. Mozorroak kulturaren parte dire, gainera munduko kulturak mozorroekin antzez daitezke, polita izango zen nire etorkizuneko klaseetan mozorroak erabiltzea, ikasleak askoz gehiago ikasten dute dinamika hauekin beti liburuak erabiltzen baino. Kasu batzuetan liburuak alde batean utzi behar dira eta dinamika berriak saiatu.

Etxerako lanak

Behar bada ume guztien etsaia, etxerako lanak gorrotatzea ohikoa da, baina beharrezkoa hainbat kasutan. Nik ez dut inolako arazorik izan etxerako lanekin, ulertzen nituen eta ondo egiten nituen, baina ez nintzen egunero egiteko gauza. Gaur egun ulertu egin dut etxerako lanak ez zirela bakarrik matematika, natura, ingelesa... etab. ikasteko, baizik eta konstantzia lortzeko, bizitza osoan beharrezkoa dena. Etxerako lanak bai ala ez eztabaidan hauen alde jartzen naiz, baina ni jasan ditudan lanekin alderatuz aldaketa asko egingo ditut. Etxerako lanak ez dira egiten eskolan, beraz txarto iruditzen zait etxean ere liburu baten aurrean esertzea eta kopiatzea, lan askoz dinamikoagoak proposatuko nituzke, proiektuak egitea, naturarekin harremanetan jartzea... Hala ere badaude ikasgai batzuk non ariketak egin behar dira ia egunero, adibidez matematika, baina lasaiago hartu ahal dira.

Maritxu

Maritxu nire eskola ohiaren "maskota" da, futbol taldeak dituztenak bezala. Istorio bat zegoen honi buruz, ez dut gogoratzen zehazki, batzuetan eskolara jaisten zen gozokiak eta ikasteko gogoak banatzera. Eskola azken egunean irakasleren bat Maritxuz mozorrotzen zen eta ipuinak kontatzen zituen. Ideia ona iruditzen zait umeak motibatzeko eta eskolaz disfrutatzeko, irakasleen alde ekimen ona dela uste dut. 

Oporrak

Hemen nire gurasoak eta hirurok eskiatzen gaude, gabonetako oporretan ziur aski. Gabonetako oporrak nire gustukoenak ziren, udakoak luzeagoak izan arren, oroitzapen oso politak eta dibertigarriak dauzkat honi buruz. Eskolara bueltatzerakoan mundu guztiari kontatu nahi nizkion nire bizipenak, irakasleei ere, baina hauek ozta-ozta galdetzen ziguten ikasleei gure oporrei buruz. Irakasleek garrantzi handiagoa eman behar diote umeek eskolatik kanpo egiten dutenari, umeek bere bizipen onak kontatzen disfrutatzen dute, eta eskolan disfrutatzea erronka bat da.

Irteera batean

Irteerak beti esperientzia honak ziren, klasean ikasitakoa praktikan jartzeko baliabidea. Hobeto ikasten den lekua natura da.

Liburutegia

Liburutegia eskolaren leku politena zen, liburu mota guztiak aurki zenezakeen hor, gustukoena hartu eta kuxinez eta bankuz beteta zegoen txoko batean irakurtzen genituen. Jolastordu asko han eman nituen, beste lagunekin edo bakarrik, eta liburua osorik ez banuen irakurtzen etxera eramaten nuen. Baina liburutegia ez zen bakarrik jolastorduetan erabiltzen, klase batzuetan horra joaten ginen informazioa bilatzera eta lanak egitera. Liburutegian ekintza asko egiten ziren era, adibidez Halloween-en ipuin kontalari bat zetorren, oso beldurgarria bide batez, gabonetan elur-panpinak eta "Belen" erakusketak zeuden... etab.

Eskola oro liburutegi bat behar du, baina ez bakarrik hori, liburuez gozatzeko ekintzak ere behar dira, irakasleen parte-hartzea. Liburuak zaintzeko ez dira garbitu edo leku aproposean gorde behar, hauek zaintzeko behin eta berriz irakurri behar dira, eta irakasleek izango garen bezala ezin dugu liburuak galdu, ume guztiei irakurtzeko gogoak piztu behar diegu.

Irratia

Eskolako irratia egunero egiten zen ekintza zen, egun bakoitzean klase desberdin bateko 5 kide ordu erdiko saio bat eskaintzen zuten, beste guztiek entzuten genioen klasetik. Saio horretan albisteak esleitzen zizkiguten, euskarari buruz, gure eskolari buruz, euskal kirolei buruz... saioa publikoa zen, beraz nahi zuenak entzun zezakeen. Eskarmentu oso polita zen eta nahiko esklusiboa, ez dut uste lehen hezkuntzako eskola askok irrati propioa daukatenik, hitz egiteko erraztasuna lortzen genuen eta urduritasuna kentzeko ekintza ona zen, zuzenean emititzen zen eta. Oroitzapen oso politak dauzkat eskolako irratiari buruz, nire gurasoak behin baino gehiagotan entzun zidaten irratitik, gainera gure ardura izatea irrati programa bat konpremezua ematen dizu. Nik ez dakit zenbat diru behar den irrati txiki bat sortzeko baina beharrezko baliabideak daukatenek aprobetxatu beharko lituzke, umeek disfrutatzen eta ikasten dute honekin.

Patioa

Nire ohiko patioaz ezin naiz kexatu, bi futbol zelai, saskibaloi zelai bai, frontoia, kanpa ugari... gainera egunean zehar 2 ordu pasatzen genituen han, patio galanta beraz. Nire jolas gogokoenak futbola eta eskupilota ziren, maiz saskibaloian aritzen nintzen baina oso gutxitan, kromo eta tazoekin ere jolasten genuen. Baina lagunekin askotan ez da guztia ondo pasatzea, patioetan eztabaida eta borroka asko gertatzen ziren baina egun batzuk pasa ondoren normaltasuna bueltatzen zen. Ez dakit nora arte heldu behar da irakasle baten parte-hartzea patio batean, patioa denbora libre edo askatasuna bezala den partez, baina borrokak eta eztabaidak bideratu behar dituzte. Ez litzaidake batere ez gustatuko patio zaintzea, kaos bat da hori, nire eskolaren kasuan gutxienez.